Love Next Door

Love Next Door (2024)

အားလုံးစောင့်မျှော်နေကြတဲ့ Jung Hae-in နဲ့ Jung So-Min တို့ရဲ့ အမေ့သူငယ်ချင်းရဲ့သား ဒရမ်မာလေးနဲ့ မိတ်ဆက်ပေးချင်ပါတယ်။

ချွဲဆွန်းဟျို (Jung Hae-in) က ငယ်ရွယ်ပြီး အရည်အချင်းရှိတဲ့ Architect လေးတစ်ယောက်ဖြစ်တဲ့အပြင် ရုပ်ရည်လေးကပါ ချောမောပြီး အကျင့်စရိုက်လည်း ကောင်းတဲ့သူပါ။ ဒါပေမဲ့ သူ့ဘဝထဲကနေ ဖယ်ပစ်လိုက်ချင်တဲ့ အခိုက်အတန့်တွေရှိခဲ့ပြီး အဲဒီအချိန်တွေကတော့ ဘယ်ဆော့ရူ (Jung So-Min) နဲ့ ပတ်သက်နေခဲ့တာပါ။

ဘယ်ဆော့ရူကတော့ တစ်ခါမှ အဆင့်တစ်ကနေ မဆင်းတဲ့ စာတော်တဲ့ကျောင်းသူဖြစ်ပြီး အမြဲတမ်း အားအင်အပြည့်နဲ့ စိတ်အားထက်သန်တတ်သူပါ။ ကျောင်းပြီးလို့ ကုမ္ပဏီကြီးတစ်ခုမှာ အလုပ်ခဲ့ရပေမဲ့ ကံမကောင်း အကြောင်းမလှစွာနဲ့ပဲ အလုပ်ကနေ ထွက်ခဲ့ပြီး အလုပ်လက်မဲ့ဖြစ်နေတဲ့အချိန်မှာ ငယ်သူငယ်ချင်း ချွဲဆွန်းဟျိုနဲ့ ပြန်လည်တွေ့ဆုံခဲ့ပါတော့တယ်။

သူ့ဘဝထဲပြန်လည် ဝင်ရောက်လာခဲ့တဲ့ ဘယ်ဆော့ရူတစ်ယောက်က အရင်တုန်းကလို ထင်တိုင်းကြဲတတ်တဲ့ သူငယ်ချင်းမလေး ဖြစ်နေတုန်းပဲဖြစ်တာမို့ ချွဲဆွန်းဟျိုတစ်ယောက်ရဲ့ ငြိမ်းချမ်းနေတဲ့ဘဝလေးက ဘယ်လိုတွေ ဗြောင်းဆန်သွားမလဲဆိုတာနဲ့ သူတို့နှစ်ယောက်ကို တစ်ယောက်ယောက်က ဘယ်လိုပတ်သက်လဲမေးရင် ဒီတိုင်းအမေ့သူငယ်ချင်းရဲ့သားလို့ပဲ ဖြေတတ်တဲ့ ဘယ်ဆော့ရူတစ်ယောက်ရော အရွယ်ရောက်လာတဲ့ ချွဲဆွန်းဟျိုကို ဒီအတိုင်း အမေ့သူငယ်ချင်းရဲ့သားလို့ပဲ ဆက်မြင်နိုင်ပါ့မလား။ အချင်းချင်းရဲ့ အတိတ်ဆိုးတွေဖြစ်တဲ့ သူတို့အတွက် လှပတဲ့အနာဂတ်လေး ဖြစ်လာနိုင်မလားဆိုတာကိုတော့ အပတ်စဉ် စနေ၊ တနင်္ဂနွေနေ့တိုင်း စောင့်မျှော်ကြည့်ရှုလိုက်ကြပါဦးနော်။

Encoded By N.A.S