The Great Battle

The Great Battle (2018)

IMDB Rating: 7.8/10
Language: Korea
Quality: Bluray HEVC 720p/1080p 5.1

ဒီတစ်ခါ RMC ကနေ တင်ဆက်ပေးမယ့်ကားလေးကတော့ နန်းတွင်းကားမျိုးမှကြိုက်တဲ့ ပရိသတ်ကြီးအတွက် တကယ့်ကိုကြီးကျယ်ခမ်းနားလှတဲ့ စစ်ပွဲတစ်ပွဲကို ဖန်တီးပုံဖော်ထားတဲ့ The Great Battle လေးနဲ့တင်ဆက်ပေးချင်ပါတယ်။ဒီဇာတ်ကားလေးက ဆုတွေအလီလီရထားတဲ့ဇာတ်ကားလေးလည်းဖြစ်လို့ လုံးဝစစ်ကားကြိုက်တဲ့ပရိသတ်ကြီးလည်း လက်မလွှင့်သင့်တဲ့ဇာတ်ကားကောင်းလေးပါ။

Moving ဇာတ်လမ်းထဲ မင်းသား Zo In-Sung၊My Sweet Mobster ထဲက မင်းသား Um Tae-Goo အပြင် Twenty Five Twenty One ထဲက မင်းသားချောလေး Nam Joo-Hyuk တို့ကိုလည်းမြင်တွေ့ရမှာပါ။

ဇာတ်လမ်းလေးက စစ်နတ်ဘုရားလို့ခေါ်ဝေါ်ကြတဲ့ တန်ဧကရာဇ်ဘုရင်ဟာ ဂိုဂူလျောကို သိမ်းပိုက်ဖို့ အင်အားနှစ်သိန်းနဲ့ချီတက်လာခဲ့ပါတယ်။နယ်စပ်တစ်လျှောက် မြို့ရွာအသီးသီးက ခံတပ်အားလုံးသိမ်းပိုက်ပြီး မြို့တော်ကိုချီတက်ဖို့ စီစဉ်တဲ့အခါ အန်ရှင်းခံတပ်ဆိုတဲ့ အင်အားငါးထောင်သာသာရှိတဲ့ ခံတပ်ကိုသိမ်းပိုက်ဖို့အကြောင်းဖန်လာပါတော့တယ်။ကံအကြောင်းမလှစွာနဲ့ အန်ရှင်းခံတပ်ရဲ့တပ်မှူးဟာ ဂိုဂူလျောစစ်တပ်ရဲ့လျစ်လျူရှူခြင်းကိုခံရပြီး ဘာတပ်ကူမှမရဘဲနဲ့ အင်အားနှစ်သိန်းရှိတဲ့ တန်စစ်တပ်ကိုရင်ဆိုင်ဖို့ဖြစ်လာပါတော့တယ်။
ဒါ့အပြင် ဂိုဂူလျောစစ်သေနာပတိကလည်း အန်ရှင်းခံတပ်မှူးကို အမိန့်မနာခံမှုနဲ့ သူလျှိုစေလွှတ်ပြီးလုပ်ကြံဖို့ကြိုးစားလာတဲ့အခါ ပြည်ပရန်ရောပြည်တွင်းရန်ကိုပါ တစ်ချိန်တည်းမှာ ဘယ်လိုရင်ဆိုင်သွားမလဲဆိုတာ တကယ့်ကိုကြက်သီးမွေးညင်းထလောက်အောင် စစ်ပွဲရဲ့အနှစ်သာရတွေကို ကြည့်ရှုခံစားရမှာလည်းဖြစ်ပါတယ်။