Rebel Ridge

Rebel Ridge (2024)

IMDB Rating: 7.0/10
Language: English

စစ်ပြန်တစ်ယောက်က အကျင့်ပျက်ခြစားနေတဲ့ရဲစခန်းတစ်ခုလုံးကိုရင်ဆိုင်ရတဲ့ ဇာတ်လမ်းအမျိုးအစားလေးဖြစ်ပါတယ်။

တယ်ရီက မရိန်းတပ်က ရာထူးကြီးတစ်ယောက်ဖြစ်ပြီး ရာထူးကနေ အနားယူထားတာပါ။သူ့ရဲ့ညီဝမ်းကွဲဟာ ဆေးမှုနဲ့အဖမ်းခံထားရလို့ အာမခံဖို့အတွက် တယ်ရီတစ်ယောက်ငွေထုပ်ပိုက်ပြီး ညီဖြစ်သူအဖမ်းခံရတဲ့မြို့ကို ထွက်လာခဲ့ပါတော့တယ်။သွားတဲ့လမ်းမှာတင် ရဲကားတစ်စီးကအနောက်ကနေ ဝင်တိုက်ပြီး ပါလာတဲ့ငွေတွေကိုလည်း တရားမဝင်ငွေဆိုပြီး အတင်းအကြပ် သိမ်းဆည်းသွားတဲ့အတွက် သူ့ညီကို ထောင်ထဲကနေထုတ်ဖို့ ငွေရအောင် ရှာရင်း ပြဿနာတွေကတစ်စထက်တစ်စ ပိုပြီးရှုပ်ထွေးလာပါတော့တယ်။ငွေရှာရင်း အကျင့်ပျက်နေတဲ့ရဲစခန်းအကြောင်းကိုပါ သတင်းနှိုက်မိသွားတဲ့အခါ ဒီအရှုပ်အထွေးကြီးထဲကနေ ဘယ်လိုရအောင်ရုန်းထွက်မလဲဆိုတာ ကြည့်ရှုရမှာဖြစ်ပါတယ်။

Detective ပိုင်းရော မိသားစုမေတ္တာအငွေ့အသက်လေးပါ ခံစားနိုင်တဲ့ ဇာတ်လမ်းအမျိုးအစားဖြစ်တဲ့အတွက် မျက်တောင်မခတ်တမ်းကြည့်ရှုနိုင်မှာဖြစ်ပါတယ်။