Oru Nodi

Oru Nodi (2024)
Genres: Crime, Thriller
IMDB Rating: 9/10

ဒီတစ်ခေါက်တော့ IMDb rating 9/10 ထိ ရရှိထားခဲ့တဲ့
အိန္ဒိယ ဇာတ်ကားကောင်းကောင်းလေးနဲ့ မိတ်ဆက်ပေးချင်ပါတယ်။ ဒီကားလေးကတော့ 2024 မှာထွက်ရှိထားတဲ့ “Oru Nodi” ဆိုတဲ့ ရဲမှုခင်းကားလေးပါ။

ဇာတ်လမ်းရဲ့ အစမှာတော့ သမီးဖြစ်သူရဲ့ မင်္ဂလာဆောင် စရိတ်အတွက် ငွေကြေးအခက်အခဲကြောင့်  လယ်ယာမြေတွေကို မတရားအပိုင်သိမ်းပြီး အာဏာသုံး အမြတ်ထုတ်နေတဲ့ ငွေကြေးရှင် တစ်ယောက်နဲ့ ပက်သတ်မိရာကနေ ပျောက်ဆုံးနေတဲ့ ယောက်ျားဖြစ်သူကို  ဇနီးသည်က စခန်းမှာ တိုင်ချက်ဖွင့်ခဲ့ပါတယ်။
အဲ့လိုနဲ့ ဖြစ်စဉ် တစ်ခုလုံးကို  လိုက်လံ စုံစမ်းရာက မသမာမှုတွေ ဆင့်ကဲ ပေါ်ပေါက်လာပါတယ်။ ပျောက်ဆုံးမှုကို အခြေခံပြီး အမှုစစ်ရာကနေ လူသတ်မှုတွေပါ ပါဝင်လာတဲ့အထိ ဖြစ်စဉ်ရဲ့ အစအဆုံးက ဘယ်လိုများ ဖြစ်သွားမလဲ ၊ အမှုရဲ့ နောက်ကွယ်က တကယ်ပဲ အာဏာရှင်တွေကြောင့်လား မထင်မှတ်ထားတဲ့ သူတွေကပဲ နောက်ကွယ်မှာ ရှိနေတာလား ဆိုပြီး သံသယစိတ်တွေနဲ့ အဆုံးထိကို ဆွဲခေါ်သွားပြီး တစ်ကားလုံးကို ကြည့်ရင်း တရားခံဘယ်သူဖြစ်မလဲ ကိုယ်တိုင် အဖြေထုတ်နေမိမှာပါ။

ရဲမှုရဲခင်းတွေနဲ့ စုံစမ်းစစ်ဆေးပုံတွေက အရမ်းကို ချက်ကျလက်ကျနဲ့ စိတ်ဝင်စားစရာကောင်းတာမို့ လုံးဝကို ပျင်းစရာမကောင်းပဲ လက်မလွှတ်တမ်း ကြည့်ရှူသင့်တဲ့ ဇာတ်ကားကောင်းလေး တစ်ကားပါပဲ။

Review By YOON
🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

_Oru_Nodi