တဘူးကားသစ် Khufiya (2023)
ဒီနေ့ Netflix ကလွှင့်တဲ့ တဘူးနဲ့ အလီဖဇဲလ်ရဲ့
spy thriller ဇာတ်ကားသစ် Khufiya ဟာ
ဘောလီးဝုဒ်မှာ ရိုက်ခဲ့ဖူးသမျှ စပိုင်ကားတွေထက်
ဇာတ်အိမ်ဖွဲ့စည်းပုံ ထူးခြားပြီး ကွဲထွက်နေတာကို
တွေ့ရပါတယ်။
စပိုင်အေးဂျင့်ကားလို့ ဆိုလိုက်ရင် စူပါဟီးရိုးနီးနီး
ရန်သူနယ်ထဲဝင်ပြီး ဝုန်းတာ၊ ပစ်ခတ်တာတွေချည်း
ကျိခဲ့ရတဲ့ အိန္ဒိယပရိသတ်အတွက် Khufiya က
လူမသိ၊ သူမသိ သိုသိုသိပ်သိပ်နဲ့ ခွန်အားထက်
ဉာဏ်ကိုအဓိကသုံးပြီး အလုပ်လုပ်သူတွေကိုလည်း
စပိုင်လို့ ခေါ်ကြောင်း ရိုက်ပြထားတာပါ။ ပြီးတော့
Khufiya က အိန္ဒိယအေးဂျင့်ဟောင်း အမရ်ဘူရှန်
ရေးထားတဲ့ Escape To Nowhere ဆိုတဲ့
စာအုပ်ကို ရုပ်ရှင်အဖြစ်ဖန်တီးထားတာပါ။
တဘူးဟာ နိုင်ငံရေးနဲ့ ပတ်သက်တဲ့ ထောက်လှမ်း
မူတွေလုပ်ရတဲ့ အရာရွိ အေးဂျင့်တဉီးဖြစ်ပြီး
တနေ့မှာ သူမရဲ့ လုပ်ဖော်ကိုင်ဖက် တဉီးဟာ
ကေ့စ်တခုကို စပိုင်လုပ်ရင်း သတ်ခံရပါတယ်။