Ghost Stories

Ghost Stories (2020)

ဒီရုပ်ရှင်က ဘာနှင့်တူလဲဆိုတော့ထိုင်းမှာနာမည်ကြီးတဲ့ 3AM လိုပဲ။ 3AM က သရဲပုံပြင်တွေကိုရုပ်ရှင်အဖြစ်ရိုက်ပြီး အပိုင်းတိုလေးတွေစုထားတဲ့ရုပ်ရှင်ပါ။ ထိုင်းရဲ့ 3AM က Jump Scare တွေ အရမ်းများတယ်။ မိတ်ကပ်ရော၊ ကွန်ပြုတာ Effect ရော သေချာလုပ်တဲ့အပြင် ဇာတ်လမ်းတွေက အတော်စိတ်ဝင်စားစရာကောင်းပြီး ဇာတ်ဝင်ခန်းတွေရဲ့တီးလုံးသံတွေကြောင့် ပိုအသက်ဝင်တယ်။

အခု India က Ghost Stories ဆိုပြီး ရိုက်ချလာတယ်။ IMDb ကတော့ 4 ပဲရှိတာက မကောင်းတဲ့အငွေ့အသက်လေးလည်းရတာပေါ့။ ဒါပေမဲ့ တကယ်တမ်းကြည့်လိုက်တဲ့အခါ တွေးစရာလေးတွေပေးတယ်။ အရမ်းကြောက်ရလားဆိုတော့လဲ မဟုတ်ပြန်ဘူးသူက။ တွေးစရာတွေပဲပေးတယ်။ ဘယ်လိုမျိုးလဲဆိုတော့ သတိုးတေဇ၀တ္တုဖတ်ရသလို တကယ်မရှိတာတွေကတကယ်ရှိပြီး တကယ်ရှိတာတွေကတကယ်မရှိတာမျိုးတွေ။ တကယ်တမ်းဆို India က ဒီထက်ပိုလုပ်နိုင်သေးတယ်။ Jump Scare တွေမပါတဲ့ဟာမျိုးထဲက အကောင်းဆုံးပြောပါဆိုလျှင်�The Haunting of Hill House ကိုပဲညွှန်းရမှာပဲ။ အရမ်းနည်းပြီး တွေးတွေးပြီးကြောက်ခိုင်းတာမျိုး။ ဒီ India ရုပ်ရှင်ကတစ်ခုသာတာက ရုပ်ရှင်ကားတစ်ခုလုံးရဲ့အသံပိုင်းဆိုင်ရာနှင့် ဆက်တင်တွေပဲ။ ပေါကားလို့လည်းပြောချင်ပေမဲ့ ပေါကားဘက်လည်းမရောက်ဘူး။ နိုင်ငံတကာမှာ Horror ရုပ်ရှင်တွေက IMDb Rating ကိုကောင်းကောင်းကန်းကန်းရတာ အင်မတန်ရှားတယ်။ IMDb ကိုသွားမကြည့်ဘဲ အစအဆုံးကြည့်လိုက်တာမှ အချိန်တစ်ခုပေးရကျိုးနပ်သွားမယ်ထင်တာပဲ။

�ပြောရလျှင်တော့ ပျင်းဖို့မကောင်းသလို အရမ်းကြီးကြောက်ရတာမျိုးမရှိပေမဲ့ အသံနှင့်တော့ သင့်ကို ကောင်းကောင်းကြီးခြောက်လှန့်နိုင်မှာပါ။