Classified

ဒီ Classified ဆိုတဲ့ဇာတ်ကားလေးကတော့ အက်ရှင်ဇာတ်ကားကိုမှ လှည့်ကွက်အဆန်းလေးတွေနဲ့ ကြည့်ချင်တဲ့သူတွေအတွက် ဇာတ်ကားကောင်းလေးတစ်ကားဖြစ်ဦးမှာပါ။အက်ရှင်ကားဆိုပေမယ့် အက်ရှင်အကြမ်းစားကြီးတွေနဲ့ တစ်ကားလုံး တိုက်ခိုက်နေကြတာမျိုး မဟုတ်တော့ အက်ရှင်ကားကြိုက်တဲ့သူတွေရော မကြိုက်တဲ့သူတွေအတွက်ပါ ကြည့်ရအဆင်ပြေမယ့် ဇာတ်ကား‌လေးလို့ ပြောရမယ်။

ဇာတ်လမ်းအကျဉ်းလေးကို ပြောပြရရင်တော့ “ရှော” ဆိုတဲ့ စီအိုင်အေရဲ့သေနတ်သမားတစ်ယောက်က အထက်ကခိုင်းတဲ့မစ်ရှင်တွေကိုလက်ခံပြီး မကောင်းတဲ့လူတွေကို နိုင်ငံပတ်ပြီး တိတ်တဆိတ်ရှင်းပစ်နေတဲ့စစ်သားတစ်ဦးပါ၊ ထူးဆန်းတာက သူ့ရဲ့မစ်ရှင်တွေလက်ခံရရှိပုံက လူချင်းတိုက်ရိုက်တွေ့တာမဟုတ်ပဲ သတင်းစာဂျာနယ်တွေဆီက လျှို့ဝှက်ကုဒ်တွေနဲ့ပဲ မစ်ရှင်ကို ပြီးဆုံးအောင် လုပ်ဆောင်နေကျပါ၊ အဲ့လိုနဲ့ သူမထင်မှတ်ထားတဲ့ ဖြစ်စဉ်တစ်ခုကတော့ သူအလုပ်လုပ်နေတဲ့ အဖွဲ့အစည်းရဲ့ခေါင်းဆောင်က သေဆုံးခဲ့တာကြာနေပြီဖြစ်ပြီးတော့ အဖွဲ့အစည်းကလည်း မရှိတော့ပါဘူး၊အဲ့တော့ သူလုပ်နေတဲ့အရာတွေရဲ့ နောက်ကွယ်မှာ ဘယ်သူရှိနေပြီးတော့ ဘယ်သူ့ကောင်းကျိုးအတွက်လုပ်ဆောင်နေရတာလဲဆိုတဲ့ အမှန်တရားကို စတင်ပြီးရှာဖွေရာကနေ ဇာတ်လမ်းအဆုံးထိ အမှန်တရားကို အတူတူရှာဖွေသွားရမှာပါ။