Aa Okkati Adakku

Aa Okkati Adakku (2024)
Genres: Comedy
Imdb Rating: 6.8/10

ဒီဇာတ်ကားလေးဟာဆိုရင်တော့ အိမ်ထောင်မရှိနှစ်တစ်ထောင် FA တွေကြည့်ရင် ကိုယ့်အဖြစ်ကိုယ်များ ရိုက်ထားလားလို့ မေးယူရတဲ့ဇာတ်ကားလေးဖြစ်ပါတယ်။ ဇာတ်လိုက်မင်းသားဖြစ်တဲ့ ဂါနာက ဇာတ်လမ်းထဲမှာ အရွယ်လွန်နေပြီဖြစ်တဲ့ လူပျိုသိုးကြီးတစ်ယောက်ပဲဖြစ်ပါတယ်။

အလုပ်အကိုင်ကလဲ လက်ထပ်မှတ်ပုံတင်ရုံးက အစိုးရအရာရှိဖြစ်တာမို့ ငွေကတော့ ထုံးစံအတိုင်းဘေးပေါက်တွေကနေ အမြဲရပြီး ငွေရွှင်တဲ့သူတစ်ယောက်ပဲ ဖြစ်ပါတယ်။ ဒါတောင် လူပျိုကြီးဘဝကနေ  မကျွတ်နိုင်ရှာပါဘူး။  သူ့ညီဖြစ်သူကတောင် အိမ်ထောင်ကျလို့ သမီးလေးရနေပြီပဲ ဖြစ်ပါတယ်။ သူကတော့ ”မိုးမိုးရဲ့သီချင်းထဲကလို အသက်၄၀လူတွေမေးတယ် ဘယ်တော့များမှ စားရမှာလဲ” ဆိုတဲ့စာသားအတိုင်းပဲ ဖြစ်ပါတယ်။ သူ့ဘာသူရှာတာ မရနိုင်တော့တဲ့အဆုံး သူ့သူငယ်ချင်း မိတ်ဆက်ပေးတဲ့ ဖူးစာတွေ့အောင်ရှာပေးတဲ့ကုမ္ပဏီကနေတစ်ဆင့် ငွေပေးသွင်းပြီး မိန်းကလေးရှာပုံတော်ဖွင့်ပါတော့တယ်။အဲဒီလိုနဲ့ ဂါနာရဲ့ဘဝထဲကို ကုမ္ပဏီကမိတ်ဆက်ပေးတဲ့ကောင်မလေးတစ်ယောက်ရောက်လာပါတယ်။အဲဒီကောင်မလေးက ယောက်ျားတွေအားလုံးကို ယုံကြည်တာမျိုးမရှိသလို ကစားဖို့သက်သက်၊ ယောက်ျားတွေကို ငြင်းဖို့သက်သက် ဂါနာရဲ့ဘဝထဲ ဝင်လာတဲ့ လူလည်ကောင်မလေးရောက်လာပြီးတဲ့နောက်မှာ
ဘယ်သူက ဘယ်သူ့ဘဝကို ပြောင်းလဲသွားနိုင်မလဲ??

ဂါနာ အိမ်ထောင်မပြုရတဲ့နောက်ကွယ်မှာ အခြားအကြောင်းတွေ ရှိနေနိုင်မလားဆိုတာကိုတော့…ကိုယ်တိုင်ပဲကြည့်လိုက်ပေါ့ဗျာ။

ရိုရိုချိုချိုဟာသလေးတွေရောနှောထားပြီး အားလပ်ရက်မှာစိတ်အပန်းဖြေစရာအနေနဲ့ ကြည့်လို့ကောင်းမဲ့ ပေါ့ပေါ့ပါးပါးကားလေးပဲဖြစ်ပါတယ်။

Review By Ban Ban
😘😘😘😘😘😘😘😘😘😘😘😘😘😘😘😘😘😘😘😘

_Aa_Okkati_Adakku